سكاتش مدرسي بعنوان
 العضمة
العضمة باللهجة التّونسيّة هي بيضة الدّجاج
      الأم وحدها منشغلة بالتفرّج على التّلفاز في بلاهة. يدخل ابنها مسرعا و في يده بيضة .      

الولد

 يا امّي يا امّي  جبتلك عظمة.                           

الأم (في فرح)يا ما اكبرها يظهر فيها عضمة متاع وزه صحيت صحيت بره خبيها  في الكوجينه لا يجيو إخواتك يلقاوها . تو غدوه نصمتها لولدي و ناكلوها أنا و إيّاك..يا حليلتو ولدي كبر وله يجيب لأمو في العظم .يا حليلتو...يا حليلتو...
الولد باهي يا مي...
من الغد الأمّ تتفرج على التّلفاز في برنامج دليلك ملك
الأم (متحمّسة للعب) يا صحه ليه ربح 500 مليون ما صابني جيت في بلاصتو راني قبلت حتى زوز ملاين .
الولد (يدخل ابنها مسرعا و في يده حاره عظم .) يا أمي يا أمي  جبتلك حارة عظم.
الأم (في فرح)يا حليلتو ولدي كبر وله يجيب لأمو في العظم بالحاره صحيت صحيت بره خبيها  في الكوجينه توه نطيّب لولدي عجه ياكل وراها صوابعو و ما يذوقها معانا حد أنا و أنت برك.
الولد

   إي يا مي أنا و انت برك ما يذوقها معانا حدّ.  

من الغد الأمّ تكنس فيدخل ابنها مسرعا و في يده دجاجة .
الولد  يا أمي يا أمي  جبتلك دجاجه.
الأم يا حليلتو ولدي كبر وله يجيب لأمو في الدجاج تعرف كيفاش بره هزها لعمك صالح الفحّام يذبحهالك و نطيّب لولدي بيها مقرونه يدين بنينه ياكل معاها صوابعو هاني ما زلت كي فتلتها .إلا ما تشوف كيفاش نشبعو بيها .
الولد يا مي الفخذ ليه
الأم خوذ الزوز فخاذ .يعيّشلي ولدي كبر و ولى يجيب لأمّو في الدّجاج أيه بره فيسع.
الولد توه رمشة عين ويني السّكّينه(يهمّ بالنّهوض فيسمع طرق عنيف على الباب)
الأم

(في فزع): آشكون

الشرطي (يسمع صوته من الخارج ) شرطة حل
الولد (خائفا ،يحاول الاختباء) شرطه شرطه.
الشرطي (يدخل فيحاول الولد الفرار و لكنه يقبض عليه) قبضنا عليك يا سارق الدّجاج .
الأم (متعجّبة) سارق الدّجاج!!،صارك إنت سارقهم. وأنا نقول ولدي كبر و ولى يجيبلي في العضام و الدّجاج و نطيبلو في المقرونه و العجّه.
الشرطي آي زيد اتبهنس توه منو هكّه حضرلو المقارن و العجة للإصلاحيه. و كبّرلو في القفّه.
الأم (تتباكى) يا ناري على ولدي يا ناري
الشرطي إبكي ابكي. فات الفوت.
الولد ( و قد أمسك به الشرطي يلتفت إلى أمه) زايدالبكاء يا امي لو كان جيت وليدك و تحبّيني راك م العظمه الأولى ربيتيني .
مسرحياتي
اقتباس
الملك و ابن سينا

الحجاج و الغلام

الزرقاء بنت عدي
عرق الجبين
الأمانة
عين الله
الراعي الأمين
قسمة الدّجاج
إبداع
اللّحى
القراية
العضمة
البرتابل
لا تعطني سمكة
الدّيك الكسول
لامبادوزه
الصّيام
من أنا؟
تعريف
قصصي
أشعاري
مسرحياتي
تحقيق
ترجمة
دراسات
مواقع

الصفحة السابقة

طبع الصفحة

الصفحة الرئيسية | صور | غابة الرمال | الفضاء | التاريخ | من أنا؟ | عائلتي | عائلات منزل جميل | المعالم الدينية | أمثال و أقوال | المنظمات و الجمعيات | المؤسسات | الثقافة و الفنون | ناس مروا | المتحف | راسلونا

Copyright 2012©2015 leplacartuel.com