ء ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي

حرف الراء

ع/ر

المثل أو القول السائر

شروح

ملاحظات

1 - راجل في الدّار يعمل لكدارْ    
  - راجلك على ما تسنّسو و ولدك على ما تربّيه.    
  - راكضه بيه فرس    
  - راضيه بالهم و الهم ما رضى بيا      تقوله الزوجة أو غيرها حين لا يرضى مخاطبها بما تفعل و يطلب المزيد رغم علمه بأنه مقصر.
  - راس الهم داده عيشه.    
5 - راسو في غْفاصو.    
  - راس بلا كيف يستاهل السّيفْ    
  - راس الفرطاس قريب لربي .    
  - راس القرطلّه خامج !  القرطلة= آنية مصنوعة من نبتة الذرو مستديرة و غارقة لها مقبض تحمل منه  أو بدونه تستعمل لوضع الغلال أساسا عندما تكون ناضجة مثل التين و التفاح و غيرهما.  يقصد به أن من يعول عليه و يتخذ مثالا و قدوة  هو نفسه غير صالح و لا مؤهل لذلك فما بالك بالبقية.
  - راسي و راسك يا مهمومه.    
  - راقد و ساقيه في الماء.    - يقال أيضا رجليه عوضا عن ساقيه.
  - راني عاجنك و خابزك .      أي أنا خبيربما تفعل و لست نائما على أذنيّ .
 

 رايين خير من راي. -

   
10 - رامي سكيبتو علي    
  - راسو و الزلاط.    
  - راسين  في شاشيّه.    
  - رايين خير من راي.    
  - ربّي خلق الدّاء و الدّواء.    
  - ربي ناسيهم من رحمتو    يقال خاصة في الحط من شأن النساء  و تحقيرهن
  - ربحك زكري  أو لالا ربحك زكري !
أو ربحو زكري يبيع الدّار و يخرج يكري.
  يقال في مقام الاستخفاف بالنهاية و المصير في الأمور المالية خاصة.
  - ربّي يعرّفنا بالّي خير منّا .    
15 - ربّي يعطي الفول  للّي ما عندوش زروس.    
  - ربّي يكبّرْنا في طاعْتو.    
  - ربّي يهزّ الغلاء على ألف سنه.    
  - ربّي في الوجودْ و خيرو ممدودْ.    
  - الربيعْ ربّعْ و اللبنْ قراصْ  و الي عندو صبيّهْ  يعطيها للتّرّاسْ.    
  - الرجال و الزمان ما فيهمش أمان.    
20 - الرّجالْ تتلاقى و الجبالْ ما تتلاقاشْ.    
  - رجعت حليمه لعادتها القديمه.    
  - رجعلو الصاع صاعين    
  - الرجوع لله
أو الرجوع لله طاعه.
   
  -  الرجال بالأمين و النساء بالأمين .    
  - رجّعلي قفّتي ما حاجتي بعنب.    
25 - رخص الحرير حتّى ولاّو يهبطوا بيه في الطّناجر.    يقال أيضا رخص الحرير حتّى تمسحت بيه الطّناجر.
  - رد بالك    
  - رزق حدّ ما يفكّو حدّ.    
  - الرزق الحرام يمشي في الظّلام.    
  - رصّاتلو في الضحضاح.    
  - رصّاتلو على بره.    
  رضيت بالهم  و الهم ما رضاش بيّ    يقال أيضا رضينا بالهم و الهم ما رضاش بينا.
30 - رخص الحرير يهبط بيه الطناجر .    
  - الرفيق قبل الطّريقْ.    
  - رقاد الجبّانه و لا عيشة الهانه.    
  - رقبتو تحتْ الموسْ.    
  - ركبوه ع البهيم  مد يدو للزنبيل .   (  يقال أيضا ركبناه عوضا عن ركبوه.
  - روحي روحي لا ترحم من مات.    
35 - ريح زقاق و لا ريح شقاق .    
  - ريح السدّ يدي ما يرد.    

  Partager

ء ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
الثقافة و الفنون بمنزل جميل
السينما بمنزل جميل
الممسرح بمنزل جميل
الشعر بمنزل جميل
القصة و الرواية بمنزل جميل
الموسيقى و الغناء
الرسم و التّصوير
المكتبات
الثقافة الشعبية
الأمثال و الأقوال
قصص و طرائف
الأهازيج و الألعاب
ألغاز
المعتقدات
العادات و التقاليد

الصفحة السابقة

طبع الصفحة

الصفحة الرئيسية | صور | غابة الرمال | الفضاء | التاريخ | من أنا؟ | عائلتي | عائلات منزل جميل | المعالم الدينية | أمثال و أقوال | المنظمات و الجمعيات | المؤسسات | الثقافة و الفنون | ناس مروا | المتحف | راسلونا

Copyright 2012©2015 leplacartuel.com